"Sumqayıt" FK yanvarın 4-də qış toplanışına start verəcək

"Sumqayıt" Futbol Klubunun qış hazırlıq planı bəlli olub. Belə ki, komandamız çempionatın qalan hissəsi üçün hazırlıqlarına yanvarın 4-dən etibarən Sumqayıt şəhərində start verəcək.
"Sumqayıt" FK toplanış dönəmində iki yoxlama oyunu keçirəcək. Belə ki, komandamız yanvarın 10-da "Zirə", 14-də isə "Qəbələ" ilə qarşılaşacaq.
Qeyd edək ki, "Sumqayıt" FK Premyer Liqanın 14-cü turu çərçivəsində yanvarın 21-də səfərdə "Keşlə" ilə qarşılaşacaq.