"Sumqayıt" FK 2024/25 mövsümünə qələbə ilə başladı
Misli Premyer Liqası, 1-ci tur
"Sumqayıt" - "Kəpəz" 2:0
3 avqust 2024. Saat 20:45. M.Hüseynzadə adına Sumqayıt şəhər stadionu, 1200 tamaşaçı
Baş hakim: Kamal Umudlu
Baş hakimin köməkçiləri: Vüsal Məmmədov, Rəhman İmami
Dördüncü hakim: Rauf Allahverdiyev
VAR: Rauf Cabarov
AVAR: Kamran Bayramov
Hakim-inspektor: Anar Salmanov
AFFA nümayəndəsi: Elçin Mehtiyev
Sarı vərəqələr: Elvin Bədəlov, 74 (qeyri-idman hərəkəti); Səbuhi Abdullazadə, 90 (qeyri-idman hərəkəti) // Ümid Səmədov, 29 (qeyri-idman hərəkəti) ; Elmir Tağıyev, 53 (qeyri-idman hərəkəti); Nemət Musayev, 86 (qeyri-idman hərəkəti)
Qollar: Səbuhi Abdullazadə, 14; Rəhim Sadıxov, 72
Artırılan vaxt: I hissədə 1 dəq; II hissədə 3 dəq.
“Sumqayıt”: 1. Mehdi Cənnətov, 6. Vüqar Mustafayev (k), 14. Elvin Bədəlov, 10. Rəhim Sadıxov (41. Uğur Cahangirov, 82), 17. Murad Xaçayev, 8. Səbuhi Abdullazadə, 21. Nihad Əhmədzadə (3. Slavişa Radoviç, 61), 19. Roi Kehat, 11. Fernando Medeiros (23. Cordan Rezabala, 61), 9. Nikola Vuynoviç (24. Sənan Muradlı, 75) 60. Tresor Mossi.
Ehtiyat oyunçular: 36. Xəyal Fərzullayev, 32. Murad Ağamalıyev, 30. Kamran Quliyev.
Baş məşqçi: Samir Abasov
“Kəpəz”: 1.Rojerio Santos, 2. İlkin Qırtımov, 7. Ehtiram Şahverdiyev (6. Nemət Musayev, 82), 99. Əli Səmədov, 8. Elmir Tağıyev (20. Mahir Həsənov, 75), 17. Ümid Səmədov, 78. Yahor Kvalko (k), 28. Redon Mihana, (15. Cavad Kərimov, 69), 10. Karim Lkouça (70. Nicat Süleymanov, 75), 19. Lassana Ndiaye, 77. Viktor Braqa (66. Arzu Atakişiyev, 75).
Ehtiyat oyunçular: 22. Məmməd Hüseynov, 3. Vurğun Hüseynov, 44. Nihat Fərəci
Baş məşqçi: Adil Şükürov
Misli Premyer Liqasında 2024/25-ci illər mövsümünə start verilib. 33-cü dəfə keçirilən Azərbaycan çempionatının ilk turunda "Sumqayıt" FK doğma meydanda "Kəpəz"i qəbul edib. Samir Abasovun yetirmələri Səbuhi Abdullazadə və Rəhim Sadıxovun fərqləndiyi qarşılaşmada rəqibi üzərində 2:0 hesablı qələbə qazanıb. Qeyd edək ki, komandamız növbəti turda "Turan Tovuz"un qonağı olacaq. Avqustun 11-də Tovuz şəhər stadionunda keçiriləcək qarşılaşmaya saat 18:45-də start veriləcək.
Samir Abasov ("Sumqayıt" FK-nın baş məşqçisi): "Ağır vəziyyətdə oyuna çıxmışdıq. Psixoloji durumumuz yaxşı deyildi. Konfrans Liqasındakı məğlubiyyətin məyusluğunu ata bilməmişdik. Futbolçularım həddindən artıq güc qoydular, enerji itirdilər və qələbə qazandılar. Onlara təşəkkür edirəm. Nəsə başqa nəticə olsaydı da, nəsə deyə bilməyəcəkdim. Uşaqlar gözəl futbol oynadılar".