“Sumqayıt” FK Giorgi Karaişvili ilə müavilə imzalayıb
18 Sentyabr 2024
2024/25 mövsümü üçün transfer çalışmalarını davam etdirən “Sumqayıt” FK daha bir futbolçunu heyətinə cəlb edib. Komandamız ötən mövsümü Türkiyənin "Kocaelispor" klubunda keçirmiş gürcüstanlı futbolçu Giorgi Karaişvili ilə 1+2 illik müqavilə imzalayıb. 28 yaşlı yarımmüdafiəçi komandamızda 12 nömrəli formada çıxış edəcək.
Qeyd edək ki, “Sumqayıt” FK bugünə qədər Rəhim Sadıxov, Fernando Medeiros, Nikola Vuynoviç, Sərtan Taşqın, Silvanus Nimeli, Alan Dias və Miloş Miloviçin keçidini reallaşdırıb.