"Sumqayıt" FK yoxlama oyununda "Araz-Naxçıvan"la heç-heçə edib
Yoxlama oyunu
"Sumqayıt" - "Araz-Naxçıvan" 2:2
Qollar: Cəsurbek Cəloliddinov, 24; Giorgi Karaişvili, 69 // Nuno Rodriges, 16; Bernardo Dias, 35
"Sumqayıt" FK qış toplanışı çərçivəsində "Araz-Naxçıvan"la yoxlama oyununda qüvvəsini sınayıb. Mehdi Hüseynzadə adına Sumqayıt şəhər stadionunda baş tutan matç 2:2 hesablı heç-heçə ilə başa çatıb. Komandamızın qollarına 24-cü dəqiqədə Cəsurbek Cəloliddinov, 69-cu dəqiqədə Giorgi Karaişvili imza atıb.
Vaqif Cavadov ("Sumqayıt" FK-nın baş məşqçisi): Baş məşqçimiz Vaqif Cavadovun oyunla bağlı fikirləri: "Yeni ildə ilk oyunumuzu keçirdik. Sevindirici hal odur ki, məğlub olmadıq. Futbolçulara təlim-məşq toplanışı çərçivəsində ağır fiziki yüklənmələr vermişik. Bu səbəbdən də komandada yorğunluq hiss olunurdu. Bununla belə futbolçularımın əzmkarlığından razı qaldım. Xüsusilə də şans verdiyimiz gənc futbolçuların oyunu məni qane etdi. Düşünürəm ki, onlar da zamanla özlərini inkişaf etdirərək əsas komandanın üzvünə çevriləcəklər".