"Sumqayıt" FK "Zəfər turu"nda "Araz Naxçıvan" üzərində qələbə qazanıb

5 Noyabr 2023

Misli Premyer Liqası, 12-ci tur

"Sumqayıt" - "Araz Naxçıvan" 2:0

4 noyabr 2023. Saat 18:00. “Kapital Bank Arena”, 1310 tamaşaçı
Baş hakim: Elçin Məsiyev
Baş hakimin köməkçiləri: Pərvin Talıbov, Teymur Teymurov
Dördüncü hakim: Fərid Hacıyev
VAR: Rauf Cabarov
AVAR: Namiq Hüseynov
Hakim-inspektor: Munis Abdullayev
AFFA nümayəndəsi: Emin Cəfərov
Sarı vərəqələr: Kamran Aliev, 30 (qeyri-idman hərəkəti); Tresor Mossi, 90+5 (qeyri-idman hərəkəti) // Vanderson Melo, 24 (qeyri-idman hərəkəti); Bayraməli Qurbanov, 90+2 (qeyri-idman hərəkəti)
Qollar: Rövlan Muradov, 16; Roi Kehat, 69
Artırılan vaxt: I hissədə yoxdur; II hissədə 6 dəq.

“Sumqayıt”: 1. Mehdi Cənnətov, 14. Elvin Bədəlov (k), 7. Rövlan Muradov, 17. Murad Xaçayev, 8. Səbuhi Abdullazadə, 19. Roi Kehat (21. Nihad Əhmədzadə, 90), 11. Kasimir Ninqa (30. Kamran Quliyev, 57), 12. Abu Dosso (20. Ayxan Süleymanlı, 90), 10. Kamran Aliev, 71. Masaki Murata, 60. Tresor Mossi.

Ehtiyat oyunçular: 15. Orxan Sadıqlı, 32. Murad Ağamalıyev, 35. Sənan Muradlı, 18. Kristian Velinovski, 9. Erik Sorqa.

Baş məşqçi: Samir Abasov

“Araz-Naxçıvan”: 12. Kristian Avram, 6. Vadim Abdullayev (7. Nicat Süleymanov, 71), 39. Tural Bayramlı (10. Orxan Əliyev, 46), 3. Turan Manafov, 2. Abdulla Rzayev, 9. Elvis Maşike (19. Aksel Nqando, 59), 29. Vanderson Melo (42. Kadiri Mohammed, 71), 23. Nuno Rodriqes, 14. Miço Kuzmanoviç (11. Bayraməli Qurbanov, 71), 4. İqor Ribeyro, 27. Numan Kurdiç (k).

Ehtiyat oyunçular: 91. Semir Bukviç, 22. Elçin Mustafayev, 5. Nihad Qurbanlı, 55. Zamiq Əliyev, 88. Tuqay Əlizadə, 13. Mirəli Əhmədov, 8. İsmail Azzaui.

Baş məşqçi: Azər Bağırov

Misli Premyer Liqasında 12-ci turun oyunları keçirilib. "Sumqayıt" FK "Zəfər turu"nda doğma meydanda "Araz Naxçıvan"ı qəbul edib. Samir Abasovun yetirmələri rəqibi üzərində 2:0 hesablı qələbə qazanıb. Qeyd edək ki, "Sumqayıt" FK növbəti turda "Neftçi"nin qonağı olacaq. Noyabrın 11-də "Neftçi Arena"da keçiriləcək qarşılaşmaya saat 16:30-da start veriləcək.

Samir Abasov ("Sumqayıt" FK-nın baş məşqçisi): "Azarkeşlərimizə təşəkkür edirəm, bu gün möhtəşəm idilər. Bugünkü qələbədə böyük pay sahibidirlər. Son oyunda xal itirdiyimiz üçün üzərimizdə təzyiq var idi. Həm də itkilərimiz olmuşdu. Oyunun gedişatı göstərdi ki, itkilərimizin yerini doldura bildik. Futbolçularımıza təşəkkür edirəm, yaxşı oynadılar. Kimlərəsə bu qələbə təəccüblüdürsə, deməli, futboldan anlayışı budur. Layiqli qələbə qazandıq. Son oyunlarda inkişafdayıq".