"Sumqayıt" FK Mehdi Şərifi ilə müqavilə imzalayıb

2020/2021 mövsümünün ikinci yarısı üçün transfer çalışmalarını davam etdirən "Sumqayıt" FK növbəti futbolçunun keçidini reallaşdırıb. Belə ki, cənubi azərbaycanlı sabiq futbolçumuz Mehdi Şərifi ilə mövsümün sonuna qədər müqavilə imzalanıb.
Qeyd edək ki, Mehdi Şərifi ötən mövsüm "Sumqayıt" FK-nın heyətində 16 oyunda 5 dəfə rəqib qapılarına yol tapıb. Şərifi karyerası ərzində "Sepahan" (74 oyun, 27 qol), "Traktorsazi" (37 oyun, 4 qol) və son olaraq isə "Perspolis" (4 oyun) klublarının da şərəfini qoruyub. 28 yaşlı futbolçu 2 dəfə İran çempionu (2014/15, 2018/19), 2 dəfə isə İran kubokunun qalibi olub (2012/13, 2018/19).